連睇兩日話劇, 尋晚睇完五光十色的杜老誌, 今日睇冷酷現實的修羅門
文案是這樣寫的: “《修羅場》將殘酷的職場鬥爭，透過戲劇張力，血淋淋展現在觀眾跟前！為了在職場上生存，用你的自由去換來成熟？然後變成一個除了目標、甚麼都沒有的「人」，這是唯一的選擇嗎？”
其實係幾有深度, 幾有HEART 的一套舞台劇
故事亦令觀眾有好多反思
但我覺得入面MESSAGE 太多, 修羅場講職場的鬥爭已經有排講, 兩個鐘左右, 有兩個咁有實力的男演員我相信已經好有張力
但編劇又要把哩個職場再延伸到學校, 再要講埋現今的教育體制上
我自己就覺得略嫌佢HEAVY 咗, 有少少兩頭唔對岸, 唔令我有到喉到肺的感覺
而且, 我覺得情節有些EXTREME, 我睇唔到校長或者到話有抱責的潘SIR 真係有作育英才的一面
潘SIR 開頭係幾有抱負, 但俾梁SIR 講咗兩講, 就放棄咗自己的原則
係我眼中, 一個真正有抱負的人係唔會放棄自己原則的宗旨
睇戲都戲得多, 有邊一個英雄可以放棄自己的原則而係最後實行到自己的抱負呢?
我相信夢想與堅持係有掛鈎作用的
校長亦係, 如果令觀眾睇唔到佢點樣愛D學生, 佢最後決定要放棄哂咁多學生觀眾就睇唔到佢點解要有掙扎LA
佢一開始可以放咗成績叫鄧SIR 去架禍一個學生
我真係睇唔出最後要放棄嗰一班學生有咩嘢好掙扎
好付合佢一向的教學宗旨呀, 點解仲好似好為難咁呢?
戲入面有好多幕都做得精彩, 但我覺得大網有些流於空洞, 如果可以再集中些去講職場或教育制度我會覺得更加好!